#maiatzekoliburua: Bizitzea ez al da oso arriskutsua?

Zer da Elegose irakurle taldea?

  • Fedibertsoan elkartzen den irakurketa talde irekia.
  • Hilero euskarazko liburu bat hautatu, irakurri eta komentatzen dugu.

#Maiatzeko liburua: Bizitzea ez al da oso arriskutsua?

Goazen ba Elegoserentzat egiten dudan laugarren “kritika” literarioarekin! Hasi baino lehen esan beharra dut nik eskuarki liburuak liburutegi publikoetatik hartu ohi ditudala eta oraingoan ere hala egin badut ere liburu erdia irakurria nuenean , hainbat pasartetan azpimarratzeko beharra sentitu dut eta etorkizunean berriro ere irakurtzeko gogoa izango dudala uste dudanez, liburu-dendara joan naiz zuzenean nire alea erostera!

Zer da gustatu zaidana?

– Estetika aldetik Pamielak egindako edizioa oso txukuna iruditu zait. Irakurtzeko erraza, argazki eta marrazkiak ere baditu gaukariak bere baitan eta oin oharrak bilatzeko ere nahiko erraz egiten da. Aurkibide onomastikoak ere asko laguntzen du!
– Gaukari formatua irakurtzeko polita dela uste dut, paragrafoak birritan irakurtzea ahalbidetzen du, lasaitasunez hartuz. Sarrionandiaren hausnarketak ez dira luzeak usaian eta batetik bestera salto handiak egon arren beti dute halako loturaren bat, bai atalarekin, bai hilabeteko egunarekin.
– Idatzi motzak dira eta batzuk azalekoak izan arren beste batzuk sakonera handikoak dira, hala nola “Gauzak kontatzeaz”, “Indarreren ideologia”, “Atalaseak” “Egin ala izan” … irakurtzea merezi dute.
– Definizio moduko esalditxoak ere oso gustuko ditut:
“Literatura: Norberaren baitan errefuxiatutako mamuak beste batzuen barrura pasarazteko ahalegina da literatura”
– Politika eta bereziki kolonialismoari buruzko gogoetak, Latinoamerikako kondaira eta ikuspuntuak ere biziki eskertu ditut.

Zer da gustatu ez zaidana?
– Oin oharrak gehiegitxo izan daitezke, lehen esan bezala nahiko erraz aurkitzen dira, baina batzuetan ez dute informazio gehiegirik eskaintzen, irakurketa pixka bat motelduz.
– Itzulpenak ere eskaintzen dizkigu Sarrionandiak, baina ez dakit hobe izango litzatekeen idatzitako hizkuntzan uztea… ez da erreza poesia itzultzea!
– Beste autore batzuek, beste hizkuntzatan idatzitakoak ere ekartzen dizkigu liburura, baina ez dutela gaukariaren puzzlea hain ondo betetzen dirudit.
– Beste irakurleen kritikak irakurtzeko, jarrai ezazu #maiatzekoliburua traola eta iritziak irakurtzeko: https://mastodon.eus/tags/maiatzekoliburua

Anuncios

#apirilekoLiburua: Ez erran deus

Zer da Elegose irakurle taldea?

  • Fedibertsoan elkartzen den irakurketa talde irekia.
  • Hilero euskarazko liburu bat hautatu, irakurri eta komentatzen dugu.

#Apirileko liburua: Ez erran deus

Elegoserentzat egiten dudan hirugarren “kritika” literarioa, bagoaz Toure!

Zer da gustatu zaidana?
– Esan beharra dut Toureren jarraitzaile amorratua naizela… 19 Kamera irakurri eta beste guztiak segidan irakurri nituen!
Toure oraingoan naparroaldeko herrixka batean kokatu da, eta egia esan segituan sartzen zara egoera berrian. Gustatu zait herrietako infernu txiki horien deskribapenak, eta baita ere bertan bizi diren pertsonaien harremanak kontatzeko modua. Beti bezala klixeetatik haratago doa Jon Arretxe oraingoan ere.
– Erritmo bizia du, erraz irakurtzen da eta ezustekoak non-nahi aurkitzen dira, idazleak duen umore beltzari etekin handia atereaz. Eszena bikainak daude arrakastazko telesail batentzako!
– Tentsioa beti doa gorantz eta irakurtzeko gogoa sortzen du orriak pasa ahala, elegosetarrontzat amu bikainak sortuz. Gidoiaren errebueltak ezusteko bikainak jartzen ditu mahai gainean!
– Jon Arretxek Donostiako liburutegiko irakurleei egindako eskaintza!
Zer da gustatu ez zaidana?
– Motza egin zait liburua! Bukaerak “deus-ex-machina” zapore handiegia utzi dit. Hainbeste hilketa eta gero… baina egiazkoa izan daiteke!
– Pertsonaia batzuei tira gehiago egiteko aukera galdu duela uste dut, Julian hain al zen zoroa? Zein zen artzain hauen artean zeuden ezin ikusien atzean zegoen benetako arrazoia? Agian hortik zuku pixka bat gehiago atera zitekeen.
– Emakumezkoen pertsonaiei ez die oraingoan idazleak pisurik eman. Beste eleberrietan askoz ere landuagoak ziren, baina Idoia edo Yarelizek zeozer gehiago eduki zezaketen esateko!

Beste irakurleen kritikak irakurtzeko, jarrai ezazu #apirilekoliburua traola!
Toureren gora beherak jarrai itzazu!
https://mastodon.eus/tags/apirilekoliburua

#martxokoliburua: Fakirraren Ahotsa

Zer da Elegose irakurle taldea?

  • Fedibertsoan elkartzen den irakurketa talde irekia.
  • Hilero euskarazko liburu bat hautatu, irakurri eta komentatzen dugu.

#martxokoliburua: Fakirraren Ahotsa

Hementxe duzue Elegoserentzat egiten dudan bigarren “kritika” literarioa

Zer da gustatu zaidana?
– Liburua irakurri eta denbora pixka bat pasa eta gero idazten ari naiz, horrek aukera eman dit liburuari buruzko gogoetak egiten joateko. Pelikula onak bezala, ez da ikusi eta berehala ahazten den liburu bat, niri behintzat buruan gelditu zait eta pasarte bat baino gehiagori buruz egon naiz pentsakor azken egunotan. Uste dut irakurri eta berehala idatzi izan banu kritikatxoa bestelakoa izango zela!
– Euskal Herriko urte latz eta korapilatsuenetakoei botatzen dien begirada sakona iruditu zait. Badirudi askotan kanpotik edo Imanolen buruan ardazten duela beti egoera… baina orduko islapen egiazkoa lortzen duela deritzot.
Imanolen barne munduan, bere bizitzaren gorabeherak ezagutzeko obra oso ona da. Harkaitz Canok egindako ikerketa lana agerian uzten du, hainbat pasadizo eta datu esanguratsuak pertsonalak biltzeko lana hartu du. Gustatu zait egindakoa eta liburuari ematen dion indarra.
– Idazteko estiloa: idazleak ia dena protagonistaren ikuspuntutik agertzeak dituen zailtasunak gainditzen ditu, eta ez bere barne mundua bakarrik, baizik eta kanpoko guztia ere azaltzeko duen gaitasuna txalogarria da.
–  Fikziozko biografia : irakurtzeko eta tentsioa eta hariak jarraitzeko oso zaila da zinezko biografia bat egitea, eta pertsonaia ezagutze bide aproposa ikusten dut, nahiz eta pertsonaia batzuk sinplifikatu edo batu. Beste aldetik, egia da fikzio puntu horrek batzuetan egia eta gezurraren arteko muga horrek egoera deserosoan jartzen nauela.

Pasa al zen kontatutakoa? Ez? Nola gogoratzen dut nik?

Joko horrek, hau da zalantza eta galdera horiek airean uzteak ere laguntzen du liburuan kontatukoa behin eta berriz buruan gogorarazteko!
SUSA argitaletxeak liburu elektronikoan erosteko aukera ere nabarmendu nahi nuke. Prezio onean eta 3,63 euro eta eta idazleari salmenta bakoitzetik 2€ iristen zaizkiolarik. Nabarmentzeko ekimena.

Zer da gustatu ez zaidana?
– Erritmoa: liburuko hasierako zatia gogoz irakurri dut, erdialdera berriz pisutsu eta nahasiagoa berriz… kostata iritsi naiz bukaerara baina azken zatiak berriz irakurterrazagoak egin zaizkit.
– Imanolek egiten dituen barne hausnarketak batzuetan gehiegizkoak iruditu zaizkit, gauza berari buelta eta errebuelta gehiegi!
– Imanolen bizitzaren berri edo/eta orduko historiaren berri izan baduzu irakurtzeko erraza izan daiteke, baina ez dakit horren berri izan ez duen edonork hain erraz egingo dituen fikzio-errealitate esteka horiek. Batzuetan erlazio batzuk ez zaizkit niri hain errazak egin!

Beste irakurleen kritikak irakurtzeko, jarrai ezazu #martxokoliburua traola!
Martxoko liburuak kritika ederrak ekarri ditu eta=> https://mastodon.eus/tags/martxokoliburua

#otsailekoliburua: Azala erre

Zer da Elegose irakurle taldea?

  • Fedibertsoan elkartzen den irakurketa talde irekia.
  • Hilero euskarazko liburu bat hautatu, irakurri eta komentatzen dugu.

#otsailekoliburua: Azala erre

Elegoserentzat egindako lehenengo “kritika” literarioa; idazlearen lana baloratu gabe, niri sortu dizkidan sentsazioen menpe.

Zer da gustatu zaidana?
Flashback eta istorioa zatika kontatzeko intentzioa, kapitulu motzekin erraz irakurtzekoa.
– Miren gustatu zait pertsonaia bezala, eta egungo gizartearen islada erreala ematen duela iruditzen zait.
Zer da ez zaidana gustatu?
– Istorioa gehienbat Mirenen ikuspuntutik egindakoa da. Agian flashback horiek beste pertsonaiei indar gehiago emateko erabil zitezkeen.
– Miren ezagutu dugu, baina beste pertsonaiak oso lauso gelditu dira batzuetan izenik ere jarri gabe apropos, besteetan motz nire ustez. Idazlearen erabakiz izango zen!
– Lekuen deskribapenak ez nau inoiz lekuan bertan sartu. Donostiako zatia ezagututa ere, nire imajinazioak ez du lortu kale bazter, eraikin handi edo hondartzen indarra hartzea. Berdin azal-erre bidaiarekin. Nik uste garrantzizko bidai honetan inguruko paisai, herri, pertsonen deskribapenetan murgildu beharko gintuela; ni behintzat ez naiz murgildu….
– Mirenen hausnarketak. Batzuetan beharrezkoak bere izaera ezagutzeko baina beste batzuetan luzeegi eta datu edo ekarpenik gabekoak iruditu zaizkit.

Istorioa ona iruditu zait, baina arteari buruzko gogoeta edo/facebook garaiko kritika bat espero nuen, aurkezpenak zioenari jarraiki eta ez dakit asetu nauen. Istorioa pixka bat gehiago korapilatuagoa izatea eskertuko nuke, jeje, pertsonalki gorakada-beherakada horiek eskertzen ditut.
Eta amaiera…ba tira ondo, baina niri gehiagorako gogoa utzi dit!

Beste irakurleen kritikak irakurtzeko, jarrai ezazu #otsailekoliburua traola!
https://mastodon.eus/tags/otsailekoliburua

Transiciones energéticas

cropped-martinirudia2Orain dela urte t’erdi proiektuarekin hasi nintzenean ez nuen susmatu ere egiten hainbeste istorio polit eta pertsona on ezagutzeko aukera izango nuela “Trantsizio energetikoei” buruzko ikerketa bat egitean! Esperientzia ikaragarri aberasgarriak izan dira, nire kasuan bai Brasilgo MAB-eko kideekin zein Ekologistak Martxanekoeki ere!

Hace un año y medio que comenzamos el proyecto denominado “Transiciones energéticas, de la deuda ecológica al buen vivir”. Ha sido un año y medio muy intenso en el que el grupo de investigación formado por Iñaki, Rosa, Ortzi, Leire, Martin y yo hemos trabajado con mucha ilusión para terminar el documental y el libro que presentamos este mismo mes.

Leer más “Transiciones energéticas”

Guía hacia la soberanía energética

Hace unos meses comentaba el libro escrito por Gorka Bueno sobre Energía Sostenible en Euskal Herria, ahora toca el turno de una guía muy interesante escrita por Xabier Zubialde: Guía hacia la soberanía energética en Euskal Herria.

XabiSoberaniaEnergeticaEHes Leer más “Guía hacia la soberanía energética”